Фестываль “Прадмова” абвяшчае пра перанос сезона на вясну 2022 г.

Шаноўныя сябры,

каманда Фестываля інтэлектуальнай кнігі “Прадмова” пасля шэрагу абмеркаванняў прыняла рашэнне перанесці правядзенне нашага чарговага чацвёртага сезона на вясну 2022 г. На жаль, у бягучых абставінах далейшага пагаршэння эпідэмічнай сітуацыі і працягу вострага сацыяльна-палітычнага крызісу ў краіне, аргкамітэт не можа гарантаваць належны ўзровень бяспекі ўдзельнікам і гасцям фестываля. Спадзяемся, што разам мы здолеем зрабіць фестываль інтэлектуальнай кнігі яркім і значным культурна-асветніцкім мерапрыемствам наступнага году. Заставайцеся з намі і разумнымі кнігамі! Да новых сустрэч.

Каманда фестываля інтэлектуальнай кнігі “Прадмова”