Прэзэнтацыя рамана Крысціны Сабаляўскайце “Silva rerum” (кнігі І і ІІ) у перакладзе Сяргея Шупы

Вялікая віленская сага — цыкл гістарычных раманаў “Silva rerum” доктара мастацтвазнаўства Крысціны Сабаляўскайце — адна з самых значных падзей у літоўскай літаратуры апошніх дзесяцігоддзяў, якая атрымала ўвагу і прызнанне ў Літве і за мяжой.

Літоўскія чытачы, выбіраючы ў 2018 г. сто кніг стагоддзя, прысудзілі раманнаму цыклу “Silva rerum” трэцяе месца.

“Выдатна напісаны, маркесаўскі раман, дзея якога адбываецца ў Літве XVII стагоддзя і які разам з тым нагадвае, што гісторыя Цэнтральнай Еўропы — гэта наш агульны наратыў” (Вольга Такарчук).