Беларусь дрэйфуе на поўнач: анлайн-прэзентацыя зборніка выбранай паэзіі Адальстэйн А. Сігюрдсана “Чорнае неба”. Анонс новай серыі перакладной паэзіі “Вершы на асфальце”

21 кастрычніка 2023, анлайн, 19.30

У 2014 годзе ісландскі паэт Адальстэйн А. Сігюрдсан быў госцем Міжнароднага паэтычнага фестывалю імені Міхася Стральцова “Вершы на асфальце”. Вынікам візіту зрабілася кніга ў перакладзе Марыі Пушкінай: выбраныя творы з кніг “Вершы зямлі” (1985), “Вершы мроі” (1992), “Цвярдыня сэрца” (2007), “Дамы не бываюць самотныя” (2011), “Аўтапартрэты” (2012), “Летняя поўня” (2016). Паслямовай да кнігі зрабілася эсэ полацкага этнографа і паэта Уладзіміра Лобача, якое на ўзроўні знакаў збліжае Беларусь і Ісландыю.