Анансуем фестываль падлеткавай і young adult кнігі “YA (Я)”!

Фестываль падлеткавай і young adult кнігі “YA (Я)” адбудзецца 27-28 лістапада ў культурніцкім цэнтры “Корпус” (пр-т Машэрава, 9/8).

Для каго?

– для чытачоў 12-25 гадоў. Так, вось такога зараз веку падлеткі і young adult.

Навошта?

– каб гаварыць пра сур’ёзнае і ня вельмі, пра тое, што сапраўды чытаюць, пра кнігі, якія дапамагаюць знайсці паразуменне са светам, людзьмі ў свеце і з сабою.

– і пра кнігі, з якімі проста прыемна бавіць час (нервовыя дарослыя – заплюшчыце вочы).

– эксперыментаваць з тэкстамі і фарматамі, слухаць саміх падлеткаў і ў будучыні – няхай атрымаецца! – наогул перадаць ім падрыхтоўку фестываля.

Што чакаецца:

– сустрэчы з беларускімі і замежнымі аўтарамі

– спектаклі, квізы, праграма пра коміксы і фэнтэзі

– кніжнае стэнд-ап шоў “Кот Бродскага. Мінск”

– пісьменніцкія майстар-класы

Хто ва ўсім гэтым вінаваты?

Каманды Фестываль інтэлектуальнай кнігі “Pradmova” і праект “ЗаЧтение”. Каторыя вельмі гатовыя падзяліцца адказнасцю: гэта значыць, мы будзем рады падлеткам і моладзі, якія захоча ўвайсці ў аргкамітэт фестываля. Падказваць, раіць і адгаворваць (калі спатрэбіцца).

Чаму мы ўсё ж наважыліся?

Нам здаецца, што менавіта зараз важна называць рэчы сваімі словамі – пры дапамозе кніг. Мы імкнемся выконваць усе меры бяспекі. І будзем гатовы перавесці частку сустрэч у онлайн-фармат. Спадзяемся, усё атрымаецца.

Сачыце за намі ў сацыяльных сетках фестываля:

https://www.facebook.com/yafest.minsk

https://vk.com/yafest.minsk

https://www.instagram.com/yafest.minsk

Партнёры фэста: культурны цэнтр “Корпус”, тэатральная студыя “Два воробья”, Літаратурны клуб “РомашЬка” і кампанія OZ.