Вядомыя імёны пераможцаў конкурса рукапісаў «Шуфлядка»

Яшчэ адзін сезон конкурсу рукапіса «Шуфлядка» падышоў да завяршэння! Журы зрабіла свой выбар і пераможцамі «Шуфлядкі» 2025 года сталі:

1) Намінацыя «Дзіцячая і падлеткавая кніга»

Юрый Мамчыц «Год чараўніцтва»

За стварэнне казачнага свету, небанальнасць сюжэту, нечаканы фінал і прадуманую кампазіцыю.

2) Намінацыя «Нон-фікшн»

Алесь Яфімаў «Лімінальнасць»

За спробу знайсці і асэнсаваць сябе ў гісторыі Беларусі на мяжы стагоддзяў.

3) Намінацыя «Масавыя жанры»

Сіняя Пушча (псеўданім) «Матылькі» і «Пагарэлец»

За сэнсоўнае мастацкае выказванне ў падтрымку разнастайнасці свету і ўменне стварыць гарманічны сюжэт.

Экспертнае журы прызнала гэтыя творы арганічна звязанымі і рэкамендавала выдаць абодва адной кнігай.

Прызам у кожнай намінацыі з’яўляецца падтрымка выдання папяровай кнігі. Выданне будзе адбывацца на ўмовах тэндару для выдавецтваў.

Таксама рады падзядіцца вынікамі чытацкага галасавання, яно адбывалася ў двух намінацыях:

• Намінацыя «Дзіцячая і падлеткавая кніга»: Алеся Казка «Серпікі і таямніцы выкрадання»
• Намінацыя «Масавыя жанры»: Сіняя Пушча «Матылькі»

Пераможцы чытацкага галасавання атрымаюць магчымасць выдаць свой тэкст электронным выданнем (на ўмовах тэндару). З улікам сітуацыі перамогі Сіняй Пушчы ў двух галасаваннях, Аргкамітэт абмяркуе з аўтарам(-кай) найлепшы варыянт для тэндара рукапісаў.

Віншуем усіх пераможцаў!

Крыху пазней мы апублікуем спісы рукапісаў з прозвішчамі (ці псеўданімамі) аўтараў і абвесцім тэндар для выдавецтваў на выданне кніг лаўрэатаў.