“(Не)магчымасць сцяны: hochroth Minsk у Берліне”. Прэзентацыя кніг Таццяны Нядбай і Марыны Хоббель

Прэзентацыя паэтычных кніг Таццяны Нядбай “Там, за сцяной” і Марыны Хоббель “(не)магчымасць пісьма.

З удзелам выдаўца Дзмітрыя Строцава. Мадэратар — Андрэй Хадановіч.

***
паўтарай мне, што ўсё будзе добра
паўтарай
словам не ператворыш пекла
у звонкі рай
але край нас яшчэ не раструшчыў
яшчэ не край
патурай маім слабасцям і важныя словы
паўтарай…

(урывак з верша Таццяны Нядбай)

***

У забітых няма нацыянальнасці
няма мовы
няма планаў на адпачынак
няма сям’і і роднага горада
няма каханых і сяброў

але самі яны ёсць ва ўсіх
у бацькоў і дзяцей
у сяброў, у краіны і свету

яны ёсць
у форме пустэчы
дзе павінны былі быць — яны

(верш Марыны Хоббель)