“Іншая гісторыя савецкага беларускага кіно. Даследчыя сюжэты”: лекцыя-прэзентацыя будучай кнігі
Арганізатары: Фестываль PRADMOVA
Удзельнікі:
30 кастрычніка 2023, анлайн, 13.00-14.00
Кніга “Іншая гісторыя савецкага беларускага кіно. Даследчыя сюжэты” выйдзе ў друку напрыканцы 2023 года. Яе мэта – вярнуць у сучасную культуру беларускія фільмы і нават асобныя кінакадры з розных перыядаў ХХ ст. з абноўленым комплексам значэнняў і інтэрпрэтацый. Кніга напісана ў фармаце даследчых эсэ, дзе кожны раздзел прысвечаны новаму сюжэту, а кожны такі сюжэт з’явіўся як пошук адказаў на пытанні, якія можна адрасаваць да савецкага беларускага кіно з сучаснасці. Як і навошта глядзець гэтыя фільмы сёння і пра якія сацыяльныя і культурныя працэсы яны могуць распавесці? У якой меры савецкі беларускі кінематограф з’яўляецца каланіяльным праектам? Як ствараўся вобраз “савецкіх беларусаў” і як выглядаў пошук ягоных альтэрнатыў?
Час мерапрыемстваў GMT+01:00 Цэнтральнаеўрапейскі час CET (Варшава). Трансляцыя мерапрыемства будзе дасяжная ў пазначаныя дату і час у суполцы фестываля ў Facebook.
